🎁बर्थडे गिफ्ट🎁

नेहमी प्रमाणे एका नवीन जातकाने एका मुलीची पत्रिका पाठवली होती. प्रश्न होता हिचा विवाह कधी होईल? वैवाहिक सौख्य?

(सोबत टिप्पणी : आजच मुलीचा वाढदिवस आहे बरं का!)

 

जातकाची कन्या सध्या उच्च शिक्षण घेत आहे.

 

म्हटलं स्पष्टवक्ते पणामुळे आज काय अगदीच खराब आढळले तर सांगणार कसं? झाली का पंचाईत.

 

त्याच दिवस उत्तर तयार झाल्यावर तसे मेसेज ने कळविले की फोन करा.

 

जातक: सर, उद्या फोन केला तर चालेल का तुम्हाला? आज वाढदिवस आहे तीचा.

 

मी: चालेल, पण केक नक्की पाठवा😃

 

“दुसऱ्या दिवशी” ठरलेल्या वेळेत जातकाचा फोन: सर कधी होईल मुलीचं लग्न?

 

मी: तिच्या पत्रिकेप्रमाणे २०२५ च्या फेब्रुवारीत.

 

जातक: साधारण मुलगा कुठल्या दिशेचा असेल?

 

मी: अहो शोधण्याची गरज नाही वाटत मला, अगोदरच शोधला असावा, तुमच्या घराच्या आसपास किंवा फार तर घराशी रिलेटेड. लव्ह मॅरेज होईल हीच, घाई करा.

 

जातक: नाही हो, असं काही ती बोलली नाही मला अजून, तसे आमच्या घरून काही चांगलं असल्यास विरोध नाही.

 

मी: मुलीला जरा विश्वासात घेऊन तर बघा.

 

जातक: काय करत असेल तरी मुलगा?

 

(जातकांना विचारायला सोपे असते पण ज्योतिषास कठीण.)

 

मी: सोबत ची प्रश्नकुंडली वरून पाहिलं – “वृषभ रास”म्हणजे फायनान्स मध्ये शिकत असावा किंवा काम करत असावा, एखादी कला ही उत्तम अवगत असेल आणि तुमच्या मुलीची रास बघून वाटते की ती काही गोष्टी लपवते कधीच मनातलं सांगणार नाही चटकन.

 

“तिसऱ्या दिवशी” मी मोबाईल वाजला म्हणून मेसेज वाचायला लागलो.

 

जातकाने “थँक्स” सोबत दोघांच्या पत्रिका गुणमेलन करण्यास पाठविल्या होत्या त्याही “पूर्ण फी सकट”, मलाही फी विचारली नव्हती पण अंदाजे बरोबर फि नेमकी पाठविली होती.

 

त्यांचे उत्तर देताना जातकाने माहिती दिली की मी रात्री मुलीशी बोलली की तुझं काय आहे का कुणावर प्रेम वगैरे?

 

मुलीने होकार दिला, म्हणाली त्याच्या घरच्यांनी पत्रिका ही जुळवून पाहीली मस्त जुळते. मी तुला सांगणारच होते आई, पण शिक्षण पूर्ण झाल्यावर.

 

जातक: पण माझे मन मानत नव्हते म्हणून तुम्हालाच पाठविली जुळते की नाही बघायला, फी जास्त असेल तर सांगा, मी अंदाजे च दिली पाठवून, लगेच पाठविते.

 

मी: फी बरोबर आहे, पण मुलगा काय करतो?

 

(कुतूहलाने विचारले)

 

जातक: सध्या तो शिकतोय एम बी ए (फायनान्स) शेवटच्या वर्षात आणि “सुप्रसिद्ध गायक” पण आहे😀

 

मुलीने विचारलं मला की तुला कसं कळलं? (तिला वाटलं असेल की कुणीतरी मैत्रिणीने चुगली केली असेल : मी, मनातल्या मनात)

 

मी जेव्हा तुमच्या भविष्य कथना बद्दल तिला सांगितले तर ती म्हणाली : “ असं पण असतं? “😳😱

 

मी: खूप सुंदर गिफ्ट दिलंत तीला तुम्ही तिच्या ह्या वर्षीच्या वाढदिवसाचं!

 

पण केक नाही पाठवलात मला.😋

 

ज्योतिष शास्त्र म्हणजे खरचं “रहस्यमय गम्मत” आहे, नाही का?